Ndryshime të tjera janë bërë në strukturat e Policisë së Shtetit. Drejtori i Përgjithshëm i Policisë se Shtetit, Muhamet Rrumbullaku, ka firmosur emërimin e Petrit Halo, i cili deri tani drejtonte Komisariatin nr 4 në Tiranë, në krye të Komisariatit nr 1, të cilin e drejtonte Bujar Mehmeti, që u pezullua për shkak të hetimeve për ndërtimet pa leje.
Sipas Klan news, Mehmeti është transferuar në Drejtorinë e Përgjithshme konkretisht në Drejtorinë e Standardeve, aty ku ishte përpara se të behej Shef Komisariati.
Ndërkohë ne krye te Komisariatit nr 4 është vendosur Luan Hyseni.
