Kreu i Partisë Demokristiane, Nard Ndoka ka shprehur mendimin e tij në lidhje me deklaratat e Ilir Metës dhe Edi Ramës për qeverinë teknike e daljen e vendit nga ngërçi politik.
Në një status në Facebook ai ka bërë dhe një analizë të shkurtër për zgjedhjet dhe koalicionin. Sipas Ndokës, Rama dhe Meta po shtyjnë njëri-tjetrin drejt greminës por njëri me “faulla e tjetri me lojë të pastër”.
Shënimi i plotë:
Rama-Meta, ‘tërheqje litari’, si dy politikane qe presin te përfitojnë nga gabimet e tjetrit!
Rama e ka tërhequr Metën disa herë edhe drejt greminës, por gjithmonë me faulla, ndërsa Meta si për çudi e ka tërhequr fort, por pastër dhe drejt institucioneve e ligjshmërisë.
Këtë radhe, pas peshkut, tërheqja ka qene deklarative, transparente dhe përfundimtare!
Meta tregoi, se është nje sportist qe politiken e ka kthyer ne ‘art’, ndërsa Rama një piktor qe politikën e ka kthyer në intrigë!
Tërheqja vazhdon litari drejt këputjes, Rama në gjunjë, Meta i djersitur, Basha i stërvitur dhe i freskët për garën e madhe se bashku me Opozitën e Bashkuar.
Nëse kemi qeveri teknike brenda 10 ditëve, do kemi zgjedhje në Korrik, nëse Rama vazhdon të qeverisë në ‘gjunjë’, do kemi zgjedhje ne Tetor, por pa shokun Edi kryeministër.
