Termi shitblerje votash duke se është më i përdoruri kohët e fundit në Shqipëri, pas zgjedhjeve lokale të 14 majit, por raste të ngjashme duket se nuk paska vetëm në vendin tonë.
Pas raportimeve për disa raste të shit-blerjes së votës në Greqi, 9 persona janë vënë në pranga në Spanjë nën akuzën se kanë shkelur ligjet e kodit zgjedhor për trafikimin e votave.
Autoritetet në Melilla bëjnë me dije se personat janë arrestuar disa ditë përpara zgjedhjeve lokale të 28 majit, si pjesë e një hetimi për mashtrim elektoral.
Sipas mediave spanjolle, hetimet kanë për qëllim një sistem që dyshohet se ka blerë vota postare. 50 deri në 200 euro u ofroheshin familjeve që përballeshin me vështirësi financiare në këmbim të votës së tyre.
Dyshimet e autoriteteve u shtuan nga rritja e numrit të votave me postë, gati 20% nga zgjedhjet e mëparshme.
