Ndeshja mes Tiranës dhe Besiktas ka nisur me përplasje mes tifozëve në stadiumin Air Albania.
Sipas tvklan.al sherri dyshohet se nisi pas provokimeve nga ana e tifozëve të Besiktas.
Sipas të njëjtave burime, përveç përplasjes mes palëve pati edhe thyerje të stolave. Për të qetësuar situatën në stadium ndërhynë Forcat e Ndërhyrjes së Shpejtë, që përdorën edhe gaz lotsjellës.
Ndeshja e cila duhet të niste në orën 20:00 u shty për rreth 15 minuta, deri në normalizimin e situatës.
Kujtojmë se Tirana luan këtë të enjte sfidën e kthimit kundër Besiktas, e vlefshme për raundin e dytë kualifikues të Ligës së Konferencës.
