Mbrëmjen e së hënës kombëtarja shqiptare do të përballet me Spanjën, një nga skuadrat më të forta në Grupin B dhe tashmë është kualifikuar.
Për këtë ndeshje ka folur në konferencën për mediat trajneri i kombëtares, Sylvinho, i cili fillimisht theksoi se përballja ndaj Spanjës është ndër ato që nuk do ta harroj kurrë, teksa kujtoi edhe lidhjen e tij të veçantë, me “iberikët”.
Ndër të tjera, tekniku brazilian vuri në pah edhe cilësitë e “La Furia Roja”, sidomos në mesfushë aty, ku djemtë e De la Fuente shkëlqejnë.
Trajneri i kombëtares tha se e ka studiuar prej muash lojën e Spanjës, duke theksuar se edhe kombëtarja shqiptare ka lojtarë cilësoi që mund të vënë në vështirësi iberikët.
“Spanja më ka mirëpritur mua, dhe familjen time, por fati është një gjë e mrekullueshme. Të luaj kundër Spanjës është fantastike. Do të jetë një ditë që s’do ta harroj. Nga anantjetër, jam i lumtur që drejtoj skuadrën shqiptare. Kemi bërë një lojë të mirë për të ardhur këtu. Një mundësi e madhe për ne dhe do të tentojmë që të dalim në fushë dhe të luajmë kundër një prej skuadrave më të mira në botë. E dini më mirë që Spanja në ADN-në e vet, ka shumë cilësi në mes të fushës dhe jo vetëm pasi skuadra spanjolle ka lojtarë që janë të rrezikshëm dhe të mirë, si në qendër ashtu edhe në krah. Ka më shumë cilësi sa i përktet skuadrës dhe lojtarëve që luajnë në krah dhe qendër. I kam vëzhguar muajt e fundit që kur është hedhur shorti, janë të mirë dhe në mbrojtje. Krijojnë shumë pak hapësirë dhe gjatë kohës që qëndrojnë para topit. Kam dëgjuar se Spanja mund të jetë skuadra më e mirë në grup. Kemi përballë një skuadër të vështirë, dhe lojë të vështirë por kemi lojtarë ambiciozë dhe jemi shumë të ekzaltuar dhe presim të luajmë një lojë të mirë kundër Spanjës”,- tha fillimisht tekniku brazilian.
