Gjatë 24-orëve të fundit, Policia e Sarandës, ka zbuluar dy ndërtime pa leje, ndërsa një biznesmen është arrestuar, ndërkohë që një tjetër është shpallur në kërkim.
Pas kontrolleve të ushtruara në vendin e quajtur “Pema e Thatë” në Ksamil, brenda ambienteve të plazhit u gjet, një rrugë të shtruar me beton, një godinë e sajuar për ambiente tualeti me 7 ndarje si dhe një mur dekorativ betoni.
Për këtë rast është shpallur në kërkim biznesmeni K. I, 40 vjec banues në zonën e Gjashtës, Sarandë.
Ndërkohë është ndaluar biznesmeni I.M., 60 vjeç. Në një dyqan të marrë me qera nga ana e tij, policia ka konstatuar një shtesë me përmasa 13.4 m2, të ndërtuar nga ana e tij pa leje me qëllime përfitimi.
