Ylli i “Friends” Matthew Perry u gjet i vdekur të shtunën në një vaskë në shtëpinë e tij në Los Anxhelos, thanë zyrtarët e zbatimit të ligjit. Ai ishte vetëm 54 vjeç.
Autoritetet shkuan rreth orës 16:00 në shtëpinë e tij, ku u zbulua se Perry nuk po reagonte. Burimet, të cilët folën në kushte anonimiteti për shkak se hetimi ishte në vazhdim, nuk përmendën shkakun e vdekjes. Në vendngjarje nuk u gjet drogë, thanë burimet. Një përfaqësues i Perry nuk iu përgjigj menjëherë kërkesës së The Times për koment.
Detektivët për grabitje-vrasje të Departamentit të Policisë së Los Anxhelosit po hetojnë mbi rastin. Shkaku i vdekjes do të përcaktohet në një datë të mëvonshme nga zyra e mjekësisë ligjore në Los Angeles County.
Television Group, i cili prodhoi “Friends” tha në një deklaratë: “Matthew ishte një aktor jashtëzakonisht i talentuar dhe një pjesë e pashlyeshme e familjes së Grupit Televizioni Warner Bros. Ndikimi i gjeniut të tij komik u ndje në mbarë botën dhe trashëgimia e tij do të jetojë në zemrat e shumë njerëzve. Kjo është një ditë zemërthyese dhe ne i dërgojmë dashurinë tonë familjes së tij, të dashurve të tij dhe të gjithë fansave të tij”.
