Vëllai i aktores së njohur shqiptare Yllka Mujo, Agim Mujo ka ndërruar jetë në moshën 63-vjeçare si pasojë e një ataku kardiak.
Lajmin e ka bërë të ditur ish-bashkëshorti i aktores, Gjergj Zaharia. Agim Mujo kishte përfunduar studimet për pikturë, por gjatë viteve të rinisë ka interpretuar edhe në një sërë filmash shqiptarë.
Prodhimi kinematografik ku ka spikatur më tepër ka qenë “Malet me blerim mbuluar” i vitit 1970 ku luan në krahë të së motrës, Yllkës.
Në këtë film ata janë motër e vëlla dhe Agimi luan rolin e Zenelit. Prej vitesh Agimi jetonte në Romë të Italisë, ku dhe ndërroi jetë.
“Me hidherim te thelle ju njoftojme se sot ndrroi jete nga nje atak kardiak Agim Mujo,vellai i Artistes Yllka Mujo. Ne moshe fare te re Agimi luajti ne nje sere filmash,midis te cileve ne filmin “Malet ne blerim mbuluar”.
Ai mbaroi studimet per pikture dhe u shqua per talentin e tij,duke u paraqitur ne shume ekspozita ne Itali dhe France,”-shkruhet në postimin e bërë nga ish-bashkëshorti i aktores./Opinion.al/
