Ka ndërruar jetë në moshën 92-vjeçare Presidenti i Tunizisë, Beji Caid Essebsi. Ai konsiderohet si një figurë mjaft e rëndësishme e tranzicionit të këtij vendi drejt demokracisë pas revolucionit të vitit 2011.
“Të enjten në mëngjes Presidenti i Republikës vdiq në spitalin ushtarak në Tunizi. Ceremonia e varrimit do të shpallet më vonë”, -u tha në njoftimin nga Presidenca.
Ndërkohë mësohet që sipas Kushtetutës së vendit do të jetë kryetari i parlamentit që do të shërbejë përkohësisht si President.
Presidenti Essebsi kujtohet si një figurë e shquar në Tunizi që nga përmbysja e autokratit veteran, Zine El-Abidine Ben Ali, në vitin 2011, kur ndodhen kryengritjet kundër udhëheqësve autoritarë, në të gjithë Lindjen e Mesme, përfshirë Libinë dhe Egjiptin.
Në Tunizi zgjedhjet parlamentare do të mbahen më 6 tetor, ndërsa ato presidenciale më 17 nëntor./Opinion.al/
