Chris Kraft, krijuesi dhe lideri i departamentit të Kontrollit të Misioneve në NASA, ka ndërruar jetë në moshën 95-vjeçare, në Hjuston, vetëm dy ditë pas përvjetorit të 50-të, të zbritjes së parë të njeriut në Hënë.
Si udhëheqës i departamentit për kontroll të misioneve, ai krijoi një sistem që tregonte se si duheshin drejtuar fluturimet në hapësirë, në kohën e rivalitetit mes Shteteve të Bashkuara dhe ish-Bashkimit Sovjetik.
Kraft i quajtur ndryshe “gjeniu i hapësirës” është përfshirë në një varg misionesh, gjithashtu në ato që kanë nisur njerëz në Hënë. Më 2011, në nder të tij NASA emërtoi ndërtesën për drejtim të misioneve hapësinore në Hjuston sipas emrit të Kraft-it./Opinion.al
