Është ndërprerë seanca për dhënien e masës së sigurisë për kryetarin në detyrë të Bashkisë Himarë, Jorgo Goron. Kanë qenë avokatët e tij mbrojtës ata që kanë kërkuar kohë për t’u njohur me dosjen.
Kjo ka bërë që seanca në GJKKO për masën e sigurisë të ndërpritet.
Goro akuzohet për shpërdorim detyre në lidhje me pronën ku Artan Gaçi, ish-deputeti socialist dhe bashkëshorti i ish-ministres së Jashtme, Olta Xhaçka, po ndërton një investim strategjik në miliona euro.
SPAK e akuzon Goron se ka shpërdoruar detyrën në dy episode, në të parin duke shmangur Këshillin e Qarkut për sipërfaqen prej 5512 metra katrorë tokë dhe mbi bazën e dokumentit të tij, toka u regjistrua në Kadastër në kundërshtim me ligjin dhe më pas iu shit nga Stavri Mëhilli ish-deputetit Gaci, me një vlerë relativisht të ulët krahasimesh me tregun.
