Një skaf i dyshimtë është ndaluar në ishullin Agkistri në Greqi nga autoritetet vendase. Mjeti drejtohej nga një shqiptar dhe dyshimet janë se mund te ishte i përfshirë në trafik droge por megjithatë ende nuk ka informacion të konfirmuar për këto dyshime.
Katër ditë më parë në afërsi të brigjeve greke u ndalua një gomone me dy persona në bord, të dy shqiptarë. Në skafin e tyre nuk u gjetën lëndë narkotike, por dyshohej se një gomone e dytë kishte humbur gjurmët.
Mendohet se bëhet fjalë për të njëjtin skaf të kapur ditën e sotme. Autoritetet greke dyshojnë se skafi që drejtohej nga shqiptar kishte shkuar drejt Turqisë ku kishte dorëzuar lëndë narkotike. /Opinion.al
