Deputeti i Partisë Socialiste, Ervin Bushati ka depozituar në Kuvend, në komisionin e ligjeve, propozimin për të modifikuar kodin penal për të ndaluar daljen jashtë Shqipërisë të personave që cenojnë zgjedhjet.
Pas miratimit, projektligji është futur nga kreu i kuvendit Gramoz Ruçi, për votim në seancën e të enjtes, ku duhet të marrë 84 vota për t’u miratuar. Konkretisht, propozimi synon të shtohet një pikë b në nenin 43/b
“Ndalimi i daljes jashtë territorit të Shqipërisë jepet nga Gjykata për një kohë nga pesë deri në dhjet vite ndaj personit që kryen vepër penale që cenon zgjedhjet e lira dhe sistemin demokratik të zgjedhjeve”
Për këtë zhvillim ka reaguar dhe Partia Demokratike. Edmond Spaho, nënkryetar i Partisë Demokratike thotë se: “Polici, gazlotjellës, dhunë, kërcënime frikësim, përçarje dhe nxitje të vëllavrasjes. Këto janë mjetet me të cilat Edi Rama po përpiqet të ruajë pushtetin dhe paratë që ka vjedhur. Nuk do ta shpëtojë dot asgjë. Opozita është e palëkundër kundër pushtetit të tij kriminal dhe shqiptarët janë të vendosur për të mbrojtur demokracinë dhe për të ndëshkuar politikanët e lidhur me krimin”.
