Është ndarë nga jeta sot bashkëshortja e shkrimtarit Dritëro Agolli. Sadije Agolli është ndarë nga jeta në moshën 76-vjeçare, në spitalin e neurologjisë pas një hemorragjie cerebrale.
Sadije Agolli ka ndërruar jetë dy vite pas vdekjes së shkrimtarit Dritëro Agolli, më 3 shkurt të vitit 2017.
Vetëm disa javë më parë, Sadije Agolli foli për mediat për mundësinë e kthimit të shtëpisë së shkrimtarit në muze nga Bashkia e Tiranës.
“Kur vdiq Dritëroi dhe më bënë këtë propozim që do të bënin këtë dhe të Ismailit poshtë nuk doja se isha kaq e lidhur me kujtimet dhe me gjërat. Thosha që po të iki në një vend tjetër nuk do të mësohem dot dhe do të vdes e mjerë. Kurse kjo shtëpi më jep jetë, më jep frymë”, u shpreh Sadije Agolli për “Ora News”.
“Këto dy vite kanë qenë shumë të vështira megjithëse unë jam munduar duke shkruar. E kisha shumë të vështirë ndarjen me Dritëroin, vitin e parë kam qenë krejt e humbur”, u shpreh në muajin janar Sadije Agolli.
Ajo tha se po mblidhte dorëshkrimet e fundit të lëna nga Dritëro Agolli, për t’i dhënë dritën e botimit./Opinion.al
