Franz Beckenbauer, një legjendë e futbollit gjerman ka ndërruar jetë në moshën 78-vjeçare.
Lajmi u konfirmua nga familja e tij:
“Me pikëllim të thellë ju njoftojmë se bashkëshorti im dhe babai ynë Franz Beckenbauer ndërroi jetë të qetë dje, të dielën, i rrethuar nga familja e tij. Ne ju kërkojmë që të mbani zi në heshtje dhe të përmbaheni nga pyetjet.”
I quajtur “Der Kaiser” (Perandori), Beckenbauer konsiderohet gjerësisht si një nga futbollistët më të mirë të të gjitha kohërave.
Ai ishte një nga vetëm tre personat që fituan Kupën e Botës si lojtar dhe trajner, së bashku me të ndjerin Mario Zagallo të Brazilit dhe francezin Didier Deschamps.
Përveç suksesit të tij me ekipin kombëtar, ai fitoi shumë tituj gjatë qëndrimit të tij në Bayern Munich, duke përfshirë tre Kupa Evropiane radhazi dhe Kupën Ndërkontinentale./Opinion.al
