Është ndarë nga jeta në moshën 82 vjecare i madhi i muzikës, Leonard Cohen. Njoftimin e ka bërë shtëpia e tij diskografike Sony Music Canada në faqen në FB të Cohen, duke shënuar: “Me dhimbje të thellë njoftojmë se kantautori legjendar, poeti dhe artisti ka vdekur”.
Më pas lajmi u transmetua edhe nga revista Rolling Stone online. Djali i tij, Adam tha se ai vdqi paqësisht në shtëpi. Vetëm pak kohë më parë ai nxori diskun e tij të ri, ndërkohë që krijimi i tij “Halelujah”, në vitin 1984, njohu më shumë se 300 incizime nga artistë sipas versioneve të tyre.
“Humbën një nga vizionarët. Një ceremoni do të mbahet në Los Angeles pas disa ditësh. Familja lutet për privaci gjatë kohës së saj të dhimbjes së madhe” njofton shtëpia diskografike. “Unë jam gati për të vdekur”. Janë fjalët që ai vetë mësohet se i kishte thënë pak kohë më parë.
Hiti i tij i madh ishte “So Long Marianne” në vitin 1967, shkruar për muzën e tij norvegjeze dhe të dashuren Marianne Jensen, e cili vdiq nga kanceri muajin gusht. Në komunikmet e fundit ai shkroi:
“Unë mendoj se unë do të të ndjek shumë shpejt. E di se unë jam aq afër teje dhe nese ti shtrin doren tende ajo me siguri do te kape te timen”.
Leonard Norman Cohen lindi më 21 shtator 1934 në Westmount, në Quebec. Mësoi të luante kitarë që fëmijë dhe formoi një grup folk, Buckskin Boys. I frymëzuar nga Federico Garcia Lorca ai iu dha edhe poezisë. Pas diplomimit në “McGill University”, u transferua në ishullin grek Hydra ku publikoi poezitë e parë. Ndër albumet e para përmendet ”In my life”, kurse suksesi i tij nis me ”Suzanne”. Këngët e tij më pas bëhen himne. “Dance Me To The End Of Love’ ishte një nga këngët më të famshme e legjendarit kanadez.
