Sport

Ndahet nga jeta ish-trajneri i Shqipërisë


Bëhu pjesë e Grupit Zyrtar të Opinion.al
>> KËTU <<
               Publikuar në : 20:40 - 13/12/20 |
Opi Nion

Otto Barić, një nga trajnerët më të suksesshëm të futbollit kroat dhe njëherësh drejtuesi i ekipit kombëtar është ndarë nga jeta në shtëpinë e tij në Zagreb në moshën 87-vjeçare. Lajmi është bërë i ditur nga Federata Kroate e Futbollit.

Ndërkohë burime jo zyrtare, bëjnë me dije se shkak i vdekjes së tij ka qenë koronavirusi.

Në vitin 1999 iu besua stoli i Austrisë, deri në vitin 2001, ndërsa një vit më pas mori kombëtaren e vendit të tij. Kjo ndodhi në periudhën 2002-2004.

Otto Barić udhëhoqi edhe ekipin kombëtar shqiptar nga 1 korriku 2006 deri më 22 nëntor 2007.
Në 15 takime në krye të kombëtares kuqezi, Baric regjistroi 4 fitore, 5 barazime dhe 6 humbje.

Në Austri, ai fitoi titullin kampion me Wacker Innsbruck dhe më pas fitoi edhe tre tituj të tjerë kur drejtonte Rapid Vienna, katër kupa të Austrisë, 3 Superkupa dhe shkoi në finalen e Kupës së Kupave.

Me Casino Salzburb (sot RB Salzburg) ai fitoi dy tituj kampionë, dy Superkupa dhe shkoi në finalen e Kupës UEFA në vitin 1994. Sigurisht nuk mungojnë edhe titulli kampion dhe Kupa në Kroaci, me Dinamo Zagreb. /Opinion.al

 

Pas