Bota

NATO kërkon vazhdimin e evakuimit në Afganistan


Bëhu pjesë e Grupit Zyrtar të Opinion.al
>> KËTU <<
               Publikuar në : 22:23 - 31/08/21 |
Opi Nion

Sekretari i Përgjithshëm i NATO -s Jens Stoltenberg premtoi të ndihmojnë ata që po përpiqen të shpëtojnë nga regjimi i talebanëve në Afganistan dhe vlerësoi se aleanca do të nxjerrë mësime nga humbja e luftës.

Njëzet vjet pasi Shtetet e Bashkuara i rrëzuan nga pushteti, talebanët rimorën kontrollin e shumicës së territorit afgan. Ata festuan fitoren mbi fuqinë më të madhe ushtarake në botë.

“Është e rëndësishme që aeroporti i Kabulit të mbetet i hapur, në mënyrë që rruga për ndihmë humanitare për njerëzit të jetë e hapur dhe në mënyrë që ne të vazhdojmë të tërheqim ata që duan të largohen, po mundën të ishin pjesë e evakuimit ushtarak”, tha Stoltenberg.

Deklaratat e tij shkojnë në një linjë me ato të Kancelares gjermane Angela Merkel, e cila tha se “aeroporti në Kabul është me rëndësi kyçe për Afganistanin sepse pa të, ndihma mjekësore dhe humanitare nuk mund të arrijë atje”.

Stoltenberg theksoi se NATO kishte arritur disa nga qëllimet e saj kur hyri në vend pas sulmeve të 11 Shtatorit në Shtetet e Bashkuara.

“Të gjithë aleatët ranë dakord që ne duhet të luftojmë terrorizmin në mënyrë që Afganistani të mos mbetet një strehë për terroristët. Dhe pas 20 vjetësh, ne kemi pasur sukses. Asnjë sulm terrorist nuk është organizuar nga Afganistani ndaj ndonjë vendi të NATO-s,” shtoi ai.

Stoltenberg garantoi se aleatët do të vazhdojnë të ushtrojnë presion diplomatik mbi qeverinë e re të vendit, në mënyrë që të lejojë largimin e afganëve që e dëshirojnë atë dhe të kontrollojnë lëvizjet terroriste në territorin e tyre./ Klan News

Pas