Sekretari i përgjithshëm i NATO-s, Jens Stoltenberg, konfirmoi se në takimin e ministrave të jashtëm të aleancës do të diskutohet mes tjerash edhe për reagimin ndaj aktiviteteve destabilizuese të Rusisë në Ballkanin Perëndimor. Gjithashtu do të vlerësohet rritja e prezencës së përhershme të trupave të KFOR-it në Kosovë.
“Ne do të trajtojmë gjithashtu situatën në Ballkanin Perëndimor. Ne kemi parë dhunë serioze në veri të Kosovës; retorikë përçarëse dhe të ndarjes në Bosnje-Hercegovinë; dhe përpjekjet keqdashëse për të mbjellë destabilitet, përfshirë edhe nga Rusia. Së bashku me Përfaqësuesin e Lartë të BE-së do të diskutojmë mënyrat për të rritur stabilitetin në rajon. NATO ka shtuar tashmë 1000 trupa shtesë në Kosovë. Dhe ne po shqyrtojmë një rritje më të qëndrueshme të kontigjentit tonë paqeruajtës. Beogradi dhe Prishtina duhet të riangazhohen në dialogun e lehtësuar nga BE. Stabiliteti varet nga të gjitha palët që zgjedhin dialogun dhe diplomacinë në vend të konfliktit dhe kaosit”, tha Stoltenberg.
