Mesfushori i Romës, Radja Nainggolan ka lajmëruar pensionimin e tij ka kombëtarja e Belgjikës, pasi nuk u grumbullua për në Botërorin ‘Rusi 2018’.
Nëpërmjet një njoftimi në Instagram, Nainggolan ka thënë: “E them më gjysmë zemre se karrierës sime për Kombëtaren i vjen fundi këtu”.
Trajneri i Belgjikës nuk e grumbulloi lojtarin për në Botëror dhe tha se e përjashtoi mesfushorin për arsye teknike.
“Gjithmonë kam bërë gjithçka për ta përfaqësuar vendin tim. Të jesh vetvetja mund të jetë gjë e bezdisshme. Nga sot e tutje do të jem tifozi më i madh i Kombëtares” ka shtuar më tej ai.
Në Botëror kombëtarja e Belgjikës ndodhet në grupin G, së bashku me Anglinë, Panamanë dhe Tunisinë.
