“Naftën e Ballshit e transporton djali i Vali Leskajt”

TIRANË- Partia Demokratike ka akuzuar sot Kryeministrin Edi Rama se i ka dhënë me koncension hekurudhën Ballsh-Fier-Vlorë djalit të deputetes, njëkohësisht nënkryetares së Parlamentit Valentina Leskaj, biznesmenit Arian Leskaj.“Çdo mall që do transportohet për 25 vite, çdo pasagjer që do udhëtojë për 25 vite në këtë linjë, do paguajë paratë tek biznesmeni Arian Leskaj, mik i vjetër i Bashkisë së Edi Ramës”. Kështu u shpreh deputetja demokrate Elmazi nga selia e PD-së. Sipas saj, ky është një biznes me miliona euro që në fokus ka transportimin e naftës së Ballshit drejt Vlores e mandej drejt Italisë. Sipas PD-së, Edi Rama është sot kryeministri më i korruptuar në Ballkan.