Ministrja e Shtetit për të Rinjtë dhe Fëmijët, Bora Muzhaqi, ka folur për mediat, për vrasjen makabër të 8-vjeçarit në Fier.
Ministrja i ka shprehur ngushëllimet familjes së Mateo Vasiut dhe uroi që ngjarje të tilla mos të ndodhin më në Shqipëri.
“Edhe pjesa e fëmijëve është shumë e rëndësishme për mua, e para ndjesë se të rreh zemra kur flet për ngjarje të rënda, duhet t’i shpreh ngushëllimet e mia familjes dhe kuptoj se kjo është pjesa me e rëndësishme që ne të gjithë duhet ta themi për momentin. Për sa i përket politikave apo gjërave që duhet të bëjmë për këtë fushë është ndoshta jo momenti i duhur për të folur, kjo s’do të thotë se s’po merremi apo angazhohemi aktivisht, do kohën e vet për të arritur një konsensus dhe të arrijmë që ngjarje të tilla mos ndodhin në Shqipëri”,-tha Muzhaqi.
