Kryeministri Edi Rama ka ndarë pamje nga Muzeu Etnografik i Kavajës.
Në një postim në rrjetin e tij social “Facebook”, kreu i qeverisë shkruan se ky muze është kthyer në një hapësirë dinjitoze për turistët, ndërsa thekson se rrëfimet historike vijnë edhe përmes teknologjisë.
“Muzeu Etnografik i Kavajës, i rilindur nga e para, tanimë kthyer në një hapësirë dinjitoze për turistët, ku trashëgimia kulturore dhe traditat tona shekullore janë vlera që trashëgohen ndër breza, tashmë me rrëfime historike që vijnë edhe përmes teknologjisë”,-shkruan Rama.
