Pedagogu i gazetarisë dhe analisti politik, Mark Marku është përfshirë në debatin e hapur nga Besnik Mustafaj mbi dorëheqjen e Bashës pas humbjes së thellë në zgjedhje.
M
arku thotë se kërkesa e tij është e përshpejtuar dhe e parakohshme. Sipas tij, duhet të pritet rezultati përfundimtar.
“Deklarata e Mustafajt e përshpejtuar. Një figurë e PD duhet të priste për rezultatin për analiza. Një njeri që është në formacion politik duhet të presë deri në momentin fundit për përmbysjen e rezultatit. Një figurë politike duhet të jetë i prirur nga interesi i partisë së vet. Numëruesit duhet të presin deri në fund dhe më pas t’i kërkohet llogari kryetarit.
Ishte deklaratë e parakohshme si ata që kërkuan dorëheqjen e kryetarit të PD-së në mes të fushatës. Pavarësisht se kanë apo s’kanë të drejtë tek gjykimi. Përmbajtja mund të jetë e saktë por koha e gabuar”, deklaroi Marku në studion e News 24.
Sipas tij, egoizmi është një problem që ka dëmtuar historikisht PD-në.
“Unë shqetësohem për pjekurinë politike të figurave dhe egoizmin e tyre. Mendoj se PD është dëmtuar historikisht edhe nga egoizmi i atyre që kanë qenë në PD”, tha Marku.
