Analisti Mustafa Nano tregoi se për çfarë donte të shkone në çadrën e PD-së. “Do i thoja Bashës se Edi Paloka, Gent Strazimiri dhe Flamur Noka nuk janë më pak horra se ata të PS-së”, është shprehur ai.
Ka reaguar nënkryetari i PD-së, Paloka duke i kujtuar Nanos se ai vetë është autori i kushtrimit: “Të bashkohen gjithë qelbësirat për të rrëzuar Sali Berishën”.
“Nuk ka si t’i bëjë përshtypje çështja e horrave Mustafait sepse është autori i kushtrimit “Të bashkohen gjithë qelbësirat për të rrëzuar Sali Berishën”. Pra, mund të konsiderohet si një farë “ideologu” për Ramën në këtë pikë”, shprehet Paloka.
Kujtojmë se mbrëmjen e së hënës në një lidhje direkte me Top Story Basha debatoi me Nanon në studio. Ky i fundit i kërkoi të shkonte në çadër dhe Basha i tha se je i mirëseardhur. Por duket se mesazhi që ka dashur të çojë analisti nuk është mirëpritur më nga demokratët.
