Senatori amerikan Bernie Sanders thotë se turneu i tij “Luftimi i oligarkisë” është një përpjekje për t’iu kundërvënë agjendës së Presidentit Donald Trump.
Qëllimi, thotë ai, është që populli amerikan të reagojë dhe të mos lejojë Trumpin që të krijojë një formë oligarkie qeverisjeje me Elon Musk dhe të tjerë.
“Po përpiqem t’ua bëj të qartë njerëzve në mbarë botën dhe në të gjithë vendin tonë, se populli amerikan nuk do të rrijë duarkryq dhe do të lejojë që Trump [të] krijojë një formë oligarkike qeverisjeje ku Musk dhe miliarderë të tjerë drejtojnë qeverinë tonë.
Ne nuk do të ulemi dhe do ta lejojmë atë të formojë një formë autoritare të shoqërisë, duke minuar Kushtetutën, lirinë e fjalës, lirinë e tubimit dhe duke zhbërë atë që, e dini, atë që bënë Etërit Themelues të këtij vendi në vitet 1790, ndarjen e pushteteve, duke u siguruar që asnjë person të mos kishte një sasi të jashtëzakonshme pushteti, dhe kjo është duke u përpjekur të bëjë me saktësi Trump”, u shpreh Sanders.
Turneu i Sanders “Fighting Oligarchy”, të cilin ai po e drejton së bashku me Alexandria Ocasio-Cortez, po ndalon si në distriktet me prirje të djathtë ashtu edhe në të majtë.
