Administrata Amerikane e Ushqimit dhe Barnave i hapi rrugë përdorimit të medikamenteve klorokine dhe hidroksilklorokine për të trajtuar virusin Covid-19.
“Raportet sugjerojnë që këto ilaçe mund të ofrojnë përfitim në trajtimin e pacientëve të shtruar me COVID-19. Testimet klinike janë të nevojshme për të siguruar prova shkencore që këto trajtime janë efektive”, deklaroi FDA.
Dy medikamentet kundër malarjes mund të rekomandohen të përdoren tek adoleshentët dhe të rriturit e prekur nga koronavirusi.
Disa ditë më parë Presidenti Amerikan Donald Trump deklaroi se FDA (Administrata për Ushqimin dhe Ilaçet) me këto medikamente mund të ndryshojë rrjedhën e historisë së koronavirusit.
Hidroksiklorokinë është një medikament që njihet ndryshe dhe me emrin Plaquenil. Ai është përdorur për parandalimin dhe trajtimin e disa llojeve të malarias. Përdorimet e tjera kanë qenë për artritin reumatizmal, lupus dhe “porphyria cutanea tarda”./Opinion.al
