Ai është një nga aktorët më të njohur të Hollywoodit, i pëlqyer në të gjithë rolet e tij. Aktori i njohur Antonio Banderas ka qenë i ftuar në emisionin e Jimmy Kimmel ku ka treguar një histori të vitit 2017 ku sipas tij i ka shpëtuar vdekjes.
Në atë vit, Banderas ka pësuar një atak kardiak dhe sipas tij për shkak të ndihmës së të dashurës Niocle Kimpel ka mundur të shpëtojë.
“E dashura ime ka dhimbje koke dhe mban gjithmonë aspirinë me vete. Nuk kishim asgjë tjetër në shtëpi. Më dha atë të vetmen që gjeti. Atë mëngjes kur fillova të kisha simptomat i vetëdijshëm për çfarë po më ndodhte, por pa mundur të reagoja, ajo më futi aspirinën në gjuhë . Më shpëtoi jetën. E kam një jetë të dytë këtë që po jetoj, dhe shumë gjëra ndryshuan që atëherë”,-u shpreh aktori.
Ai ka shtuar gjithashtu se një nga shkaqet që ka pësuar atak ka qenë duhani dhe tashmë ka hequr dorë prej tij./Opinion.al/
