Alida Duka, motra e Stines, ka qenë mbrëmë një prej të ftuarave në programin “Zonë e lirë”, i cili ka nisur sezonin e ri në Tv Klan. Enkas nga Gjermania, ku këngëtarja punon dhe jeton prej vitesh, Alida promovoi klipin e ri në bashkëpunim me këngëtarin e njohur rumun, Adrian Minune, “Ani”. Përveҫ pyetjeve për projektet muzikore, por edhe për jetën në Gjermani prej më shumë se 22vjetësh, 37vjeҫarja iu nënshtrua edhe intervistës “Alida, motra e Stines”, ku nuk iu shpëtoi edhe pyetjeve pikante për këngëtarin e njohur. Edhe pse Stine vendosi të jetonte dhe të ushtronte profesionin e vet në Shqipëri, lidhja me të motrën, me gjithë distancën, mbeti po njëlloj e fortë. Ata gjithmonë kanë qenë të hapur mes tyre, madje edhe në rastet kur duhet t’i prezantonin njëritjetrin partnerët respektivë, shkruan “Class”.
Por Alida, nuk lë jashtë vëmendjes as Roza Latin, pasi Ҫani e pyeti se si i ka pasur ajo marrëdhëniet me ish të dashurat e vëllait dhe konkretisht me Rozën, meqenëse tashmë të gjithë e mësuan marrëdhënien e tyre pas spektaklit “Dance With Me”, ku dy ish të dashurit vallëzuan së bashku: “Roza më shkruan edhe sot, më përshëndet dhe më uron për projektet”, – tha Alida, duke shtuar se marrëdhëniet me të i ka pasur shumë të mira përgjatë 4 vjetëve që ajo ka qenë e lidhur me Stinen. E pyetur nëse sot Stine ka një partnere, Alida pohon duke shtuar se edhe me të është e kënaqur: “Shkoj shumë mirë. Deri tani jam e kënaqur”, – tha ajo, edhe pse Ҫanit nuk i pëlqeu tamam përgjigjja dhe e komentoi: “Ah, si janë motrat për vëllanë…
