Mediat greke vijojnë të publikojnë detaje dhe dëshmi lidhur me ngjarjen e rëndë të ndodhur në Greqi, ku një 37-vjeçar shqiptar i quajtur Pëllumb Islami, ndërroi jetë pasi u qëllua aksidentalisht teksa ishte duke parë ndeshjen në lokal.
Gjithçka ndodhi teksa 7 shqiptarë të tjerë, të cilët ndodheshin në të njëjtin lokal, u përleshën dhe gjatë konfliktit përdorën armë zjarri.
Sakaq sipas mediave greke, të afërmit dhe miqtë e Islamit pritet që sot t’i japin atij lamtumirën e fundit 37-vjeçarit në vendlindje. Së fundmi, për mediat greke ka folur e motra e viktimës.
“Ishte njeri shumë i mirë, ndihmonte shumë. Është shumë e vështirë, akoma nuk e kuptojmë se çfarë ndodhi. Ai kishte shkuar për të parë ndeshjen dhe aty ku ishte ulur, fatkeqësisht Zoti nuk ishte me të. Kishte humbur shumë gjak. Akoma nuk e dimë të vërtetën se çfarë saktësisht ndodhi”, tha ajo.
Në të njëjtën kohë, policia është në kërkim të 7 shqiptarëve. Protothema shkruan se ata nuk janë larguar nga Greqia. Shqiptarët, pjesë e “grupit L”, një bandë kriminale e njohur për autoritetet në Greqi, u arratisënpas ngjarjes.
