Këngëtarja Barbana Dini, e cila po kalon një dhimbje të thellë, pasi vëllai i saj, këngëtari i ri dhe i talentuar Ergi Dini, u nda nga jeta në moshën 22 vjeçare, ka njoftuar fansat për një projekt të Ergit që do realizohet prej saj.
Përmes një statusi në facebook, Barbana bën të ditur se teksti i shkruar nga Ergi për këngën “Mama”, do të realizohet në perfeksion, ashtu siç Ergi donte.
“E ndjej si detyrim moral t’ju njoftoj të gjithëve ju që keni pasur aq shume dashuri për Ergin se teksti i këngës “Mama” është i fundit që u krijua (2 javë para) pasi ai krijonte vazhdimisht. Ai e bëri me shumë dashuri për mikun e tij Irkencin. Pasurinë e tij që la pas e kam unë dhe do të realizohen prej meje. është e kuptueshme që do duhet pak kohë për realizimin e tyre sepse ai donte perfeksionin dhe ashtu do jetë dhe realizimi i tyre…”, shkruan ajo në rrjetin social facebook.
