Moti i keq me shi e ere të fortë i mori jetën një elektricisti 32 vjecar në Tropojë. Ashtu si në përmbytjet e Dhjetorit 2017 sërish në telat e korentit mbeti një elektricist që punonte të rikthente energjinë në fshatin e tij, Luzhe të Tropojës.
Sakaq rapotohen probleme të rrugëve nga veriu në jug, me prezence uji dhe rrëshqitje dherash. Lumi i Viroit në Gjirokastër ka dalë nga shtrati duke shkatërruar rrugën në hyrje të qytetit. Edhe në mbrëmje vijon të jetë problematike situata në Gjirokastër në vendin e quajtur ura e lumit ka prezence te madhe uji dhe qarkullimi eshte i bllokuar.
Ndërsa në Zall Bastar te Tiranes, ndërhyri ushtria për të shpëtuar disa persona që udhëtonin me makina dhe u bllokuan nga vershimi i ujit te lumit.
Në Sarandë, përroi i Gurrës ka përmbytur urën duke shkaktuar kështu bllokimin 130 familjeve në Tatzat dhe Kalasë.
Në Vlorë prej ditës së djeshme lundrimi është pezulluar. Vjosa ka prurje, por në Novoselë nuk ka rrezik për momentin. Ndërsa lumi Shushicë ka dalë nga shtrati në disa pjesë, por pa rrezik deri tani.
Moti i keq shkaktoi probleme edhe në Portin e Vlorës, ku u pezullua lundrimi i të gjitha mjeteve, si ato të transportit të udhëtarëve dhe anijeve të peshkimit.
Edhe në Portin e Durrësit u pezullua lundrimi i të gjitha mjeteve deri në përmirësimin e motit. Dy prej trageteve të nisura nga bari mbërritën me 3 orë vonesë.
Ndërkohë duhet theksuar se qindra familje e biznese janë pa energji mbrëmjen e sotme për shkak të dëmtit të shtyllave. Situata më problematike është në fshatra. OSHEE ka deklaruar se I ka skuadrat në terren dhe po punon për normalizimin e situatës.
Moti i keq me reshje të dendura dhe erë në të gjithë vendin, parashikohet të zgjasë deri në mesnatë. Sipas sinoptikanëve, e diela do të sjellë më pak shi,ndersa ne zonat malore intensifikohen reshjet e bores.
