Reshjet e shiut që kanë përfshirë orët e fundit vendin tonë kanë shkaktuar probleme në disa zona.
Raportohet se reshjet kanë sjellë probleme në bllokun e banimit “11 janari” të lagjes “Besëlidhja” në qytetin e Lezhës.
Vërshimi i ujit thuajse ka përmbytur totalisht këtë zonë duke bllokuar hyrjet e pallateve e sjell probleme në lëvizjen e qytetarëve dhe automjeteve.
Edhe në qytetin e Vlorës, reshjet e rëna gjatë 24 orëve të fundit kanë bërë që niveli i lumit Vjosë të rritet mbi 6.3 metra mbi nivelin e detit.
Si pasojë lumi ka dalë nga shtrati dhe ka përmbytur një pjesë të pazarit pranë urës së Mifolit në Vlorë.
E njëjta situatë paraqitet në Durrës, Fushë-Krujë e në zona të tjera perëndimore të Shqipërisë. Probleme pati edhe dje për shkak të shiut, teksa moti i keq pritet të vijojë./ Opinion.al
