Temperaturat e ulëta pritet të na shoqërojnë deri në fundjavë. Metereologët thonë se acari vazhdon deri të dielën, ndërkohë që mjekët apelojnë për kujdes të shtuar. Reshjet e borës nuk do të jenë të konsiderueshme, problematike pritet të jenë ngricat.
Ndërkohë që shërbimi “Meteoalb” parashikon që këtë dimër të kemi periudha të shkurtra me temperatura ekstremisht të ulëta, mjekët apelojnë për kujdes të shtuar.
Rreth 11 mijë persona sipas Institutit të Shëndetit kanë kërkuar ndihmën e mjekut në një javë për shkak të infeksioneve në rrugët e frymëmarrjes.
Specialistet e Institutit te Shëndetit Publik parashikojnë shtim të të prekurve me grip në muajin janar. Dy viruset në qarkullim edhe këtë vit janë të tipit A (H 1N1) dhe (H3N2).
