Ditët e kaluara në plazh janë rasti më i mirë që duhet shfrytëzuar, si për të marrë ngjyrë, ashtu edhe për t’u çlodhur. Por përveç këtyre dy avantazheve, dielli ndihmon edhe në luftimin e celulitit. Në fakt, banjat në det janë shumë të efektshme duke u kombinuar me lëvizjet, efektin shfryrës dhe riaktivizues të kripës së detit mbi inde dhe veprimin e masazhin muskulor të dallgëve, elementë të cilët që ditët e para të plazhit sigurojnë këmbë më të tonifikuara. Një efekt antiproduktiv kryejnë qëndrimet e gjata në diell. Nuk këshillohet që të rrini shumë orë shtrirë pa lëvizur duke marrë rreze dielli, sidomos kur keni kapilarë të dobët dhe tendencë për varice. Gjithashtu, duhet shmangur tejnxehja e këmbëve, që shkakton vazodilatacion, ndalim të qarkullimit dhe amulli të lëngjeve, duke favorizuar kështu celulitin. Më mirë t’i merrni rrezet e diellit duke ecur në breg të detit, ku më kryesorja është mbajtja e këmbëve pjesërisht të zhytura në ujë.
Përveç notit klasik, për të përmirësuar pamjen e celulitit me tendencë edematoze, forcimin e vitheve dhe të kofshëve mund të futeni në det me një tavolinë sërfi, që duke e mbështetur në bust mund të lëvizni këmbët duke i mbajtur të shtrira ato. Edhe vajzat që pëlqejnë të rrinë për shumë kohë shtrirë në dyshek duke soditur detin, le të përpiqen që t’i mbajnë këmbët e zhytura në ujë, duke i lëvizur sa më shpesh.
Dieta “në diell” kundër celulitit
Një ndihmë e madhe mbrojtëse kundër rrezeve të dëmshme të diellit dhe celulitit na vjen edhe nga ushqimet e pasura me karotinoide. Këto janë substanca që te perimet kanë një funksion mbrojtës kundër të nxehtit të tepërt. Nëse drita e diellit është shumë e fortë, ato kanë funksion mbrojtës dhe veprim antioksidues, duke neutralizuar radikalet e lira e prodhuara nga rrezet ultravjollcë. Ja kush janë frutat dhe zarzavatet e pasura me karotenoide: karotat, kajsia, pjepri, domatet, specat e kuq, mangoja dhe shalqiri. Gjithashtu, edhe ushqimet e detit ia detyrojnë ngjyrën e tyre të kuqe në portokalli sasisë së madhe të karotenoideve, kështu duhen përfshirë në dietën verore.
Para se të dilni në plazh duhet medoemos të keni të mbushura rezervat e karotenoidit. Këtë mund ta arrini duke pirë shumë lëng karote, si dhe duke shijuar nga pak gjatë ditës frutat e perimet e përmendura më sipër të pasura me antioksidantë. Nuk duhet të harroni gjithashtu se karotenoidet duke qenë substanca të tretshme, thithen më mirë nëse konsumohen së bashku me një sasi të vogël yndyre, siç është për shembull vaji i ullirit, ose lulediellit që përdoren për spërkatjen e sallatave.
Përdorni sprajtin rifreskues kundër celulitit
Pas ekspozimit në diell, kur riktheheni sërish në plazh është e zakonshme të ndieni një farë lodhjeje kur qëndroni me këmbët varur, sidomos nëse koha është shumë e nxehtë. Ja receta e një sprajti që mund të përgatitet dhe të ruhet në termusin e plazhit ose frigorifer për t’ju dhënë këmbëve energji, për t’i rigjeneruar dhe për t’i mbrojtur nga celulitit.
Përbërësit:
- 10 ml vodka ose alkool për pije
- 100 ml uthull molle
- 500 ml ujë mineral natyral
- 10 pika vaj livando
- 5 pika vaj mërsine
- 5 pika vaj eukalipti
- 5 pika vaj karamele mente
Përgatitja: përzieni vajrat me alkoolin duke i tundur mirë. shtoni uthullën e mollës dhe lëreni në qetësi për disa orë. Shtojini ujin mineral natyral dhe tundeni sërish mirë. Në fund filtroni lëngun me një filtër letre kafeje. Futeni përzierjen në një enë me ngjyrë të errët dhe mbajeni në frigorifer. Spërkasni të gjithë trupin dhe këmbët pasi të riktheheni nga plazhi. Tundeni përzierjen para përdorimit.
