Kryeredaktori i gazetës ‘Panorama’, Robert Rakpillari, të hënën, tregoi se Presidenti i Republikës, Ilir Meta, është i gatshëm të thotë arsyet e mosdekretimit të Sandër Lleshit në një mbledhje me dyer të mbyllura me Parlamentin.
I ftuar në studion e emisionit “Opinion”, gazetari Rakipllari tha se burime të besueshme nga kabineti i Presidentit Meta i kanë thënë se Kreu i Shtetit është i gatshëm që në një mbledhje me dyer të mbyllura me parlamentin të japë arsyen pse nuk dekretoi Sandër Lleshin, arsye të cilën nuk mund ta ndante me publikun.
“Arsyet që nuk janë thënë në publik, përveç faktit të Gjeneralit etj. Presidenti është i gatshëm t’i thotë ato në një mbledhje me dyer të mbyllura me Parlamentin apo të hapura nëse Parlamenti e gjykon”,-tha Rakipllari.
Videon mund t’a shihni nga minuta 1:56
Kurse analisti Afrim Krasniqi tha se veprimi i Presidentit Ilir Meta, për mos dekretimin e ministrin Sandër Lleshi është i gabuar.
Afrim Krasniqi: Si ekspert unë di përvojën që ka ndodhur deri më sot. Të gjithë presidentët janë konsultuar me të gjithë juristët më të mirë që ka Shqipëria, komisionin e Venecias dhe në të gjitha rastet ka qenë përgjigje unanime që çështja e dekretimit të Presidentit është atribut formal i Presidentit të Republikës. Në rastin e Shqipërisë zgjidhja normale do të ishte që kryeministri mos e propozonte kandidaturën e tij nëpërmjet Twitter-it, por ti shkonte në zyrë Presidentit.
Blendi Fevziu: Çfarë do me thënë atribut formal?
Afrim Krasniqi: Nuk ta të drejtë ta refuzojë sepse po të kishte fjalën e shqyrtimi siç thuhet për funksionet e tjera, i lejon të drejtën për ta gjykuar. Në kemi disa funksione si për shembull rektori i një universiteti nuk ka të drejta të zgjedhe kandidatura, por vetëm e dekreton, e zgjedhin të tjerët.
