Një 26-vjeçar nga Korça është shpallur në kërkim nga policia e Elbasanit, pasi ka marrë me qira një makinë në Elbasan dhe nuk është kthyer më për të dorëzuar automjetin.
Uniformat blu njoftojnë se ngjarja ka ndodhur më datë 01.10.2024, në një subjekt për makina me qira, ku i riu me iniciale H.K dyshohet se ka marrë një automjet tip “Ford” dhe nuk e ka kthyer më.
Vijon puna për kapjen e 26 vjeçarit dhe të automjetit të marrë me qira.
“Komisariati i Policisë Elbasan referoi materialet në Prokurori dhe vijon puna për kapjen e shtetasit H. K., 26 vjeç, banues në Korçë, pasi dyshohet se më datë 01.10.2024, në një subjekt për makina me qira, ka marrë një automjet tip “Ford” dhe nuk e ka kthyer më. Vijon puna për kapjen e 26 vjeçarit dhe të automjetit të marrë me qira”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
