Policia e Elbasanit ka arrestuar katër persona pasi gjatë një konflikti kanë marr peng një 17-vjeçar.
Bëhet me dije se në pranga kanë rënë D. B., 20 vjeç, F. G., 19 vjeç, B. Q. 22 vjeç dhe E. G., 20 vjeç, banues në Elbasan.
Në njoftimin e policisë theksohet se pas mbërritjes së informacionit se një person është marr peng në një makinë, ka nisur puna për kapjen e autorëve.
Të arrestuarit, pas një konflikti fizik për motive të dobëta, në bashkëpunim me njëri-tjetrin, kanë mbajtur me forcë në automjet, për disa minuta, një 17-vjeçar të përfshirë në konflikt.
Materialet hetimore i kaluan Prokurorisë pranë Gjykatës së Rrethit Gjyqësor Elbasan, për veprën penale “Heqja e paligjshme e lirisë”, e kryer në bashkëpunim.
