Pamjet e mësipërme tregojnë momentin kur një person shkon dhe vendos tritol në makinën e efektivit të policisë së Durrësit Lulëzim Kastrati.
Sikurse shfaqet në pamje autori vendos me qetësi tritol në gomën e parë të automjetit dhe largohet menjëherë nga vendngjarja.
Sipas policisë, nga shpërthimi raportohen vetëm dëme të vogla materiale. Ndërkohë disa persona që dyshohen që mund të kenë dijeni për rrethanat e ngjarjes janë shoqëruar në komisariat.
“Më datë 03.09.2021, rreth orës 06:25, në lagjen nr.17, Durrës, dyshohet se është vendosur dhe ka shpërthyer një sasi e vogël lëndë plasëse në mjetin e parkuar para banesës, në pronësi të shtetasit L. K.,(punonjës policie), nga e cila ka vetëm dëme të vogla materiale.
Shërbimet e Policisë kanë shoqëruar disa persona që dyshohen që mund të kenë dijeni për rrethanat e ngjarjes.
Grupi hetimor ndodhet në vendngjarje dhe po punon për zbardhjen e rrethanave të ngjarjes, identifikimin dhe kapjen e autorëve.’- njoftoi më herët policia./Opinion.al
