Prej më shumë se 5 muajsh Jona Spahiu është bërë nënë për herë të parë. Moderatorja tregoi se ka kaluar një periudhë të vështirë pas lindjes së vogëlushit Raiden, pasi mbyllej në shtëpi dhe nuk kujdesej aspak për veten, duke pranuar kështu depresionin pas lindjes.
“Kam kaluar momente të çekuilibruara. Jo shumë nëna arrijnë ta pranojnë këtë gjë. Isha shumë e lumtur që solla në jetë një fëmijë dhe doja të kaloja çdo moment me të. Çekuilibrimi është një gjë që shkon përtej teje. Ishte diçka shumë kalimtare.
Rasti më i rëndë ishte kur volli djali më shumë seç e kisha parë ndonjëherë. Mbyllesha në shtëpi, i dedikohesha gjithë kohës atij dhe nuk i përkushtohesha fare vetes”, tha Jona e ftuar në “Thumb”.
Moderatorja tha se nuk shqetësohet aspak për rikthimin e linjave pas shtatzanisë, ndërsa tregoi se tani e gjithë vëmendja është tek i biri i saj.
Depresioni pas lindjes po rritet ndjeshëm dhe sipas statistikave tani prek 11-20% të nënave të reja. Shenjat mund të përjetohen menjëherë pas lindjes por dhe një vit më mbrapa, pasi iu keni kaluar të gjitha vështirësitë e një nëne të re, netët pa gjumë, mbipeshën, mungesën e marrdhënieve seksuale, dhe shumë ndryshime të tjera nga jeta e mëparshme./E.M
