Aktualitet

Mjeku Sulçebe tregon sa do të jetë vdekshmëria e COVID-19


               Publikuar në : 21:53 - 28/03/20 |
Al Do

Mjeku Imunolog Genc Sulçebe thotë se vdekshmëria e COVID-19 të jetë pothuajse e njejtë me atë të një gripi të zakonshëm.

Duke marrë në analizë të dhënat virologjike të viruseve të epidemive të ngjajshme me COVID-19, mjeku shkruan se ky virus do të ketë vdekshmërinë 1 në 1000 të infektuar. Ai argumenton se kjo mund të jetë e mundur pasi numri i personave që preken nga virusi dhe nuk shfaqin simptoma rezulton të jetë shumë më i lartë nga cfarë ishte menduar.

Në rastin e Shqipërisë, mjeku thotë se që epidemia të ndalojë, gjë që ndodh kur krijohet “imuniteti i tufës”, do të duhet të infektohen të paktën 1 milion persona pra rrjedhimisht edhe vdekshmëria do jetë minimumi 1 mijë persona.

Ajo që është e rëndësishme sipas tij është që këto humbje të shtrihen në kohë duke marrë masat që përhapja e virusit të bëhet sa më e ngadaltë.

Shkrimi i plotë i Prof. Dr. Genc Sulçebe

Nga shifrat e deritanishme ne bote duket se vdekshmeria nga epidemia COVID-19 luhatet nga rreth 10% ne Itali ne 0.3% ne rajone te tjere relativisht te vegjel, ku jane masa drastike izolimi dhe vecimi fizik bashke me testim viral te pergjithshem.

Jane disa llogaritje te thjeshta te cilat mund ti bejme duke ekstrapoluar nga epidemite e tjera te ngjashme me COVID-19, sic jane ato gripit te zakonshem (influences) dhe qe njihen shume mire.

Ne fillim te epidemise u duk se vdekshmeria nga COVID-19 do ishte te pakten 10 here me e larte se sa nga gripi i zakonshem ne te cilin vdekshmeria eshte 1 per 1000 te infektuar. Tani, duket se numri i individeve te infektuar, por pa shenja klinike, pra ata qe i quajme asimptomatike, eshte shume me i madh se numri i atyre qe shfaqin shenja te semundjes.

Ka mundesi pra, qe ne fund te kesaj epidemie nga COVID-19, vdekshmeria mund te jete ne rastin me te mire 1 ne 1000 ashtu si dhe ne gripin e zakonshem. Ne popullaten shqiptare, qe te arrihet “imunitetit i tufes”, i cili do te lejonte ndalimin e epidemise do te duhet te infektohen te pakten 1 Milion vete. Pra, vdekshmeria e pritshme e pergjithsme nuk duhet te jete me teper se 1000 ne shifra totale.

“Mjeshteria dhe Arti” i masave epidemiologjike, mjekesore, administrative etj. eshte qe te minimizohen keto humbje duke i shtrire ato ne kohe dhe duke zhvilluar nje aktivitet ekonomik, social, shendetesor (edhe per te semuret jo-COVID-19) sa me afer normalitetit dhe me sa me pak kosto ekonomike dhe sociale. /Opinion.al

Pas