Një 36-vjeçare ka humbur jetën, ndërsa dy mjekë po procedohen pasi dyshohet se nuk e kanë mjekuar siç duhet.
Njoftimi vjen nga policia e Shijakut që bën me dije se u proceduan penalisht në gjendje të lirë shtetasit M.S., 49 vjeç, banues në Durrës, me detyrë mjek i urgjencës pranë qendrës shëndetësore Shijak dhe O.S., 27 vjeçe, banuese në Tiranë, me detyrë mjeke e familjes pranë qendrës shëndetësore Shijak.
Sipas policisë, 36-vjeçarja me inicialet M.K.,banuese në Shijak ishte paraqitur disa herë për mjekim në Qendrën Shëndetësore. Ajo është kthyer në banesë e më pas më datë 19.08.2020, është dërguar në Spitalin Rajonal Durrës ku dhe ka ndërruar jetë. Dyshohet se mjekët nuk kanë kryer kurimin e duhur të pacientes, e cila më pas humbi jetën.
Materialet i kaluan Prokurorisë së Rrethit Durrës për veprën penale “Mjekim i pakujdesshëm”./Opinion.al
