-Jetë dhe Stil

Mjekët thanë që vdiq, gruaja zgjohet në agjencinë e funeraleve


Bëhu pjesë e Grupit Zyrtar të Opinion.al
>> KËTU <<
               Publikuar në : 19:23 - 17/04/20 |
Opi Nion

E çuan me urgjencë në spital me shpresën se do t’ja dilte, por brenda një ore mjekët dhanë lajmin e trishtë: 50-vjecarja Gladys Rodriguez Duarte nga Paraguaji  nuk ja kishte dalë. Sipas mjekëve për shkak të kancerit në vezore. Lajmi e trishtoi familjen që nuk e priste një fund kaq të shpejtë.

E ndërsa familjarët ishin duke qarë për të, gruaja qëndronte ende në qesen e zezë të plastikës, me të cilën spitali e kishte dorëzuar tek një agjenci funeralesh, që do të përgatiste trupin për ceremoninë mortore.

Gladys ishte çuar me urgjencë në klinikën e San Fernandos të shtunën pas një rritjeje të papritur të presionit arterial. Sipas raportit të policisë ishte shtruar në orën 9:30 me mjekun Heriberto Vera, i cili në orën 11.20 komunikoi për bashkëshortin Maximino Duarte Ferreira dhe vajzën Sandra, lajmin e vdekjes së gruas. Sipas mjekut gruaja kishte vdekur për shkak të avancimit të kancerit.

Spitali i ka dorëzuar qesen me trupin një agjencie funeralesh për të kryer ritet, por janë habitur kur kanë parë lëvizje brenda thesit. Dikush u afrua të ndihmonte gruan, që ende nuk ishte plotësisht koshiente, ndërkohë që kolegët kanë thirrur mjekët dhe tashmë gruaja ndodhet në spital në gjendje të qëndrueshme, sikurse shihet ne foto.

Sikurse bën me dije televizioni paraguajan e bija akuzon doktorin Vera që sipas saj as nuk u përpoq ta ndihmonte. “E dorëzoi të zhveshur si një kafshë bashkë më çertifikatën e vdekjes. Nuk tentoi as të reanimonte. I besonim atij dhe ndaj shkuam atje, por mjekët nuk bënë gjë tjetër veçse e dorëzuan tek agjencia e funeraleve”, u shpreh ajo.

Por një  nga mjekët e klinikës, Dr Fabio tha: “Sipas mjekut që e ndoqi, gruaja nuk kishte më puls dhe mushkëritë e saj nuk qenë më aktive. Dr. Vera u përpoq ta kthente në jetë, por nuk ja doli”.

Mjekët mendojnë se gruaja mund të ketë patur katapelsi, një gjendje ku trupi i ul funksionet si dhe frymëmarrjen. /Opinion.al

Pas