Është zbardhur dëshmia e dy mjekëve dhe infermierit të arrestuar nga policia pasi i dhanë ndihmë mjekësore Nuredin Dumanit dhe nuk kallzuan në polici ngjarjen.
Sipas news 24, mjekët nga Fieri kanë deklaruar përpara autoriteteve se nuk kishin dijeni për të shkuarën e tij kriminale dhe se kanë bërë detyrën e tyre, bazuar dhe në betimin e Hipokratit.
“Kemi shkuar te banesa e personit të plagosur të shoqëruar nga një i njohur. Nuk kishim dijeni për të shkuarën e tij kriminale. Kemi bërë detyrën si mjekë për t’i ofruar ndihmën paraprake të shpejtë një njeriu. Kjo bazuar edhe në betimin e Hipokratit si profesionistë dhe në çfarëdo lloj situate që të ndodhemi nuk mund t’i mohojmë kujdesin shëndetësor askujt”, kanë thënë ata gjatë dhënies së dëshmisë në polici.
Policia njoftoi më herët se dy mjekët infermieri dhe 20-vjeçarja, e dashura e Dumanit tashmë janë vënë në pranga.
