Komisionin i Ligjeve ka miratuar kërkesën e Partisë Socialiste për shkakrimin e Presidentit të Republikës Ilir Meta në mbledhjen e sotme.
Bëhet me dije se kjo kërkesë është miratuar me 14 vota pro dhe 1 kundër. Ndërkohë që tashmë procesi i rradhës është hetim parlamentar për Presidentin e vendit.
Seanca e së premtes do të vendosë për ngritjen e komisionit hetimor.
“Jam dakord me të gjitha argumentet e vëna në themel të kërkesës. Thuhet se çfarë nenesh ka shkelur Meta. Kjo sepse është krijuar ideja që presidenti duhet të shkarkohet për pikëpamje politike. Meta ka minuar rolin e tij kushtetutes. Ja disa nga nenet e Kushtetutës që përligjen ngritjen e Komiisionit Hetimor. Presidenti ka shkelur nenin katër të Kushtetutës, që ka të bëjë me shtetin e së drejtës. Ky parim nënkupton se Kushtetuta ka përparësi mbi gjithçka. President ii Republikës ka shkelur edhe nenin 7 të Kushtetutës, parimin e ndarjes të pushteteve. Meta ka etiketuar instituciionet, duke paralajmëruar madje edhe për ndjekje penale.
Meta ka bërë shkelje të rëndë kushtetuese. Presidenti ka shkelur edhe 86/1 të Kushtetutës, ku përcaktohet se kreu i shtetit është mbi palët e bën moderatorin, sa herë ka përplasje politike, por Meta e ka mbivendosur autoritetin e kreut të shtetit duke u rreshtuar me njërën palë politike. Sjellja e presidentit është sjellje absurde, s’ka asgjë të përbashkët me Kushtetutën. Duhen hetuar të gjitha këta shkelje, nëpërmjet Komisionit Hetimor të ngritur nga Kuvendi i Shqipërisë. Nëse Komisioni Hetimor shprehet se Meta ka pasur shkelje gjatë kryerjes së detyrës, i propozohet parlamentit për shkarkim.”– tha Ulsi Manja në fjalën e tij./Opinion.al
