Me urdhër të qeverisë turke janë hequr në vendin tonë simbolet e këtij shteti si flamuri, etj. në disa institucione arsimore private, ose ndryshe në ato që njihen kolegjet e Gylenit në Shqipëri. Lajmi i bë i ditur një ditë më parë nga tv ABC Neës dhe u konfirmua sot zyrtarisht nga Ministria e Arsimit.
Qeveria turke përmes ambasadës së saj në Tiranë i ka kërkuar Ministrisë së Arsimit, në fund të muajti shtator të urdhëroj këto shkolla private të heqin simbolet. Gjithashtu Turqia kërkoi që të hetohet mënyra se si ato financohen.
Sekretari i Përgjithshëm i MAS, Plarent Ndreca, thotë se shkresa është firmosur prej tij, pas shqetësimit të ngritur nga ambasada turke në Tiranë.
“Ambasada ka kërkuar qe keto simbole te mos vendosen pa miratimin e Ambasadës. Në shtetin shqiptar këto janë shkolla shqiptare edhe është e drejët e shtetit që të kërkojë mospërdorimin e simboleve të tyre”. Ndreca tha se këto institucione arsimore janë të akredituara dhe licensuara sipas ligjit.
Njoftimi i Ministrisë së Arsimit
Në Ministrinë e Arsimit dhe Sportit është paraqitur shkresa me nr. 11395 prot. datë 29.09.2016 e Ministrisë së Punëve të Jashtme lidhur me kërkesën e ambasadës turke në Tiranë për të ndaluar përdorimin e emërtimeve “turke” dhe simboleve kombëtare të Republikës së Turqisë, përfshirë flamurin turk, në godinat e institucioneve arsimore jopublike.
Bazuar në nenin 34 të ligjit 80/2015 “Për arsimin e lartë dhe kërkimin shkencor në Republikën e Shqipërisë”, institucionet e arsimit të lartë kanë emrin zyrtar dhe stemën, të cilat përcaktohen në vendimin e hapjes së institucionit.
Për sa më sipër kërkojmë respektimin e dispozitës së mësipërme lgijore, për përdorimin e mërtimeve zyrtarë të stemës, që u janë miratuar në aktin e ahpjes së institucionit”.
