Edhe njëherë Fondi Monetar Ndërkombëtar, konfirmon se ekonomia shqiptare ka konsoliduar tashmë trendin e qendrueshëm të rritjes, thotë ministria e Financave, pas publikimit sot nga FMN të Raportit mbi Çështjet Ekonomike Rajonale.
Në një njoftim për shtyp, ministria e Financave thekson se së pari, në Shqipëri raporti i pagës minimale ndaj pagës mesatare për vitin 2015 është mbi 45%, ose mbi nivelin mesatar në Europën Perëndimore dhe vendi ynë renditet i dyti pas Sllovenisë, për të gjitha vendet e CESEE (IMF, May 2016, Regional Economic Issues, pp.16).
“Së dyti, risku i stabilitetit politik në Mars 2016 është reduktuar krahasuar me të njëjtën periudhë të një viti më parë, duke kaluar nga intervali [50-60] në [40-50] (IMF, May 2016, Regional Economic Issues, pp.17).
Së treti, Shqipëria është përjashtuar nga grupi i vendeve që ekspozojnë hapësira për rritjen e borxhit të jashtëm sikurse ka ndodhur me vendet e tjera për shkak të rënies në konsum dhe investime të tyre (IMF, May 2016, Regional Economic Issues, pp.32)”.
Këto sipas MF, “janë rezultate të drejtpërdrejta të punës së maturuar dhe reformave të thella të qeverisë në cdo sektor”./Panorama
