Ministria e Drejtësisë shqiptare ka bërë të ditur planin që i ka propozuar autoriteteve spanjolle për të sjellë në Shqipëri zemrën e shtetasit Saimir Sula.
Në një njoftim zyrtarë ministria bën me dije se procedura pritet të kryhet më 12 korrik 2023. Mësohet se është propozuar se organi të transportohet në vendin tonë në rrugë tokësore.
Më pas Shqipëria do të duhet të marrë lejen e të gjithë shteteve ku do të kalojë transit. Tashmë mbetet në dorën e autoriteteve spanjolle që të pranojnë propozimin.
Krahas autoriteteve shqiptare, hetime po kryhen edhe nga ato spanjolle, të cilat po vijojnë verifikime për ekipin mjekësore të spitalit në Barcelonë, aty ku Saimir Sula shkoi për mjekim e më pas doli pa zemër.
Kujtojmë se Sula ndërroi jetë tragjikisht 3 vite më parë në Barcelonë.
“Për sa më lart Ministria e Drejtësisë i paraqiti sugjerimin për kryerjen e procedurave në Barcelone në datën 12 korrik 2023. Nëse autoritete spanjolle do jenë dakort mbetet vetëm marrja e lejeve tranziti nga të gjitha shtetet ku do kalojë automjeti
Ministria e Drejtësisë ka autorizuar përfaqesuesin e saj nga Drejtoria e Marredhënieve Juridiksionale dhe Bashkëpunimi Ndërgjygjësor, përfaqesuesin e Insitutit të Mjekësisë Ligjore, Prokuroria ka autorizuar Prokurorin e çështjes, 2 oficerë të policisë gjyqësore nga Drejtoria e Marrëdhënieve Juridiksionale me Autoritetet e Huaja dhe përfaqësuesi i Ambasadës Shqiptare në Madrit.
Të gjithë përfaqësuesit e lartpërmendur me praninë e përfaqësuesit të familjes dhe përfaqesuesve të Gjykatës së 16 të Barcelonës, përfaqësuesin e Institutit Kombëtar të Toksikologjisë së Barcelonës do të kryejnë procedurën e dorëzimit dhe marrjes në dorëzim të organit”, thuhet në njoftimin e ministrisë./Opinion.al
