Ministria e Arsimit këtë vit ka vendosur të mos bëjë publike asgjë përsa i takon përzgjedhjes dhe botimit të teksteve, për vitin shkollor 2016- 2017.
Në faqen e Ministrisë së Arsimit dhe Shkencës, por edhe në atë të Agjencisë së Prokurimit Publik nuk është bërë asnjë njoftim mbi shpalljen zyrtare të vlerësimit mbi tekstet fituese.
Në fakt, konkurimi mes autorëve të teksteve dhe midis shtëpive botuese është zhvilluar në javën e parë të muajit korrik. Që atëhërë, kjo ministri nuk ka bërë transparente për publikun as proçedurat e përzgjedhjes dhe as fituesit, me pikët përkatëse, sipas ligjit.
Cilët ishin anëtarët e komisionit të vlerësimit? Sa profesional ishin ata? Cilët janë tekstet fituese dhe me sa pikë u vlerësuan?
Ndërsa mësohet se shtëpitë botuese kanë nisur punën për shpërndarjen e teksteve, përse Ministria e Arsimit nuk i ka bërë publikë fituesit, ashtu siç e kërkon ligji dhe e ka mbajtur këtë proces në hije?
Këtyre pyetjeve, ministria në fjalë nuk e ka vetëm detyrim ligjor që t’iu përgjigjet por edhe detyrim moral, për të evituar skandale të ngjashme me ato të hasura vitet e fundit me gabime të rënda ortografike dhe shkencore.
