Ministri i Drejtësisë, Ulsi Manja është takuar në SHBA me Sekretarin e Shtetit, Antony Blinken. Lajmin e ka bërë me dije vetë Manja në një postim në rrjetin social “”Facebook”, ku ka publikuar edhe foto nga takimi.
Manja shkruan se i ka shprehur Blinken mirënjohjen për mbështetjen e jashtëzakonshme të Shteteve të Bashkuara në vendosjen dhe konsolidimin e themeleve të shtetit të së drejtës dhe jetëzimit e Reformës në Drejtësi në Shqipëri.
“Në përmbyllje të një jave të suksesshme takimesh në Uashington, pata kënaqësinë e veçantë të takoj Sekretarin e Shtetit Antony Blinken dhe bashkëshorten e tij, Znj. Evan Ryan.
Në këtë takim i shpreha Sekretarit Blinken mirënjohjen më të thellë për mbështetjen e jashtëzakonshme të Shteteve të Bashkuara në vendosjen dhe konsolidimin e themeleve të shtetit të së drejtës dhe jetëzimit të reformës në drejtësi në Shqipëri”-shkruan Manja.
Ky takim vjen në kuadër të axhendës së disa takimeve të rëndësishme që ministri i Drejtësisë, Ulsi Manja ka zhvilluar përgjatë kësaj jave në Uashington.
